يا دخيل الجاش بالحب الخطير 
 اشهد انك احرست فالجاش وذراه 

 عشرتي وياك يا نعم العشير
 علمتني منك لذات الحياه 

الوفا والصدق والقلب الكبير
 والغلا والشوق والطيب ونباه 

كلها توصفك يالبدر المنير
 يا وليفن ما عطى وجهي قفاه 

 انت حبك غير وحب الناس غير
 الجبل في لارض والنجم بسماه 

 يا عيون الشوق واللي يصير يصير
 يا جذايب يا دوى قلبي وداه 

 أسألش بالله من قلب وضمير
 الوصل وش فيه ما غير رداه

 يوم بحر العشق ما منه مصير
 غارق بعشقش ولا لي بالنجاه

 الوصال اللي كذا شر" شرير
 ارحمي من مل من زاده وماه

 ماني بطيب ولا حتى بخير
 يا بري حالي ترا حبش براه 

العواجي